သမ္ဗုဒ္ဓေ အဋ္ဌ၀ီသဉ္စ၊ ဒွါဒသဉ္စ
သဟဿကေ၊ ပဉ္စသတ
သဟဿနိ၊ နမာမိ သိရသာမဟံ၊
အပ္ပကာ ၀ါလုကာ ဂင်္ဂါ၊ အနန္တာ
နဗ္ဗုတာ ဇိနာ၊ တေသံ ဓမ္မဉ္စ သံဃဉ္စ၊
အာဒရေန နမာမဟံ၊ နမက္ကာရာ နုဘာဝေန။
ဟိတွာ သဗ္ဗေ ဥပဒ္ဒဝေ။
အနေက အန္တရာယာပိ ၀ိနာသန္တု အသေသတော။
ဒီဂါထာလေးကိုတော့ ကျွန်မတို့  ဗုဒ္ဓဘာသာ မြန်မာလူမျိုးတိုင်း သိကြမှာပါ။ လူတော်တော်များများလည်း ဒီဂါထာအစွမ်းကြောင့်အန္တရာယ် အမျိုးမျိုးကနေ ကင်းလွတ်ခဲ့ကြပါတယ်။
အဲဒီထဲမှာ ကျွန်မလည်း တစ်ယောက်အပါအ၀င်ပေါ့ရှင်။
ဒီဂါထာလေးကတော့ ကျွန်မလူမှန်းသိတတ်စ အရွယ်ကတည်းက မေမေ ဘုရားရှိခိုးတဲ့ အချိန်တိုင်း နားထဲမှာ စွဲနေခဲ့လို့ ( မေမေက ဘုရားရှိခိုးရင် အသံကျယ်ကျယ် ရွတ်ဆိုလေ့ ရှိပါတယ် )အဓိပ္ပာယ် ဘာဆိုလိုတာကို မသိခင်ကတည်းက နှုတ်တိုက် ဆိုနိုင်ခဲ့ပါတယ်။ မွေးမေမေရဲ့  ဆပ်မကုန် နိုင်တဲ့ ကျေးဇူးတွေပါ။
ကျွန်မရဲ့  ကိုယ်တွေ့ ဖြစ်ရပ်လေးက လွန်ခဲ့သော ၂၅ နှစ်လောက်ကပေါ့။ ကျွန်မ အသက် ( ၇ ) နှစ်လောက်ကလို့  ထင်ပါတယ်။ အဲဒီ အချိန်တုန်းက ကျွန်မရဲ့  မိဘတွေနဲ့  အတူတူ အဘိုး အဘွားတွေ ရှိတဲ့ မေမြို့ ( ပြင်ဦးလွင်) ကို အလည်ရောက်ရှိခဲ့ပါတယ်။ မေမေ ရဲ့  မိဘတွေပေါ့။ ညနေစောင်းတဲ့ အချိန်မှာ မေမေနဲ့  ဖေဖေက အပြင်သွားစရာရှိတယ်ဆိုပြီး အပြင်သွားခဲ့ပါတယ်။ စိတ်ကောက်တတ်တဲ့ ကျွန်မက မလိုက်ရလို့  ဆိုပြီး အော်ငိုပြီး ကောက်နေခဲ့တာပေါ့။
အဲဒါနဲ့ ပဲ အဒေါ်နဲ့  ဦးလေးတွေက ချော့တဲ့ အနေနဲ့ ကျွန်မကို အပြင်ခေါ်သွားကြပါတယ်။သူတို့ က လည်း လူပျို အပျိုအရွယ်တွေပေါ့။ သူတို့ သူငယ်ချင်း အိမ်ကို သွားလည်ကြမယ်ဆိုပြီး ချီတက်သွား လိုက် ကြတာ ကျွန်မကို လည်း ခေါ်သွားကြတယ်လေ။
အိမ်နဲ့  တော်တော်လေး လှမ်းတယ်ထင်တာဘဲ။ ကလေးဆိုတော့ သိပ် မမှတ်မိဘူးပေါ့။
သူ တို့ ကလည်း လေကကောင်းနေကြတာ ည ၉ နာရီ ကျော်လောက်ရောက်တော့ ကျွန်မ
မနေနိုင်တော့ဘူးပေါ့။ ပြန်ချင်တယ်ဆိုပြီး ပူဆာတော့မှ အဲဒီ အိမ်ကနေ ထကြတယ်။
ပထမတော့ ကျွန်မက စမ်းတ၀ါးဝါးနဲ့  ရှေ့ က ဖြေးဖြေးသွားရင်း လှည့်  ကြည့် ရင်းနဲ့  သွားနေတာပေါ့။
အိမ်ရှင်တွေကလည်း လမ်းထိပ်ထိ လိုက်ပို့ ကြမယ်ဆိုပြီး လိုက်လာရင်းနဲ့  ရပ်ပြီး စကားပြောကြပြန်ရော။
ကျွန်မလည်းလေ အကောက်လွန်ပြီး မြန်မြန်လျှောက်လာလိုက်တာ တနေရာ အရောက်ကြတော့ နောက်ပြန်လှည့် ကြည့် မိတယ်..ကျွန်မနောက်မှာ တစ်ယောက်မှ ပါမလာကြဘူးရှင့် ...ကျွန်မလေ အရမ်းကို ကြောက်သွားတာပေါ့...နောက်ပြန်လျှောက်ကြည့် ပြန်တော့လည်း ဘယ်လမ်းလဲဆိုတာ မမှတ်မိဘူး..အဲဒါနဲ့  သမ္ဗုဒ္ဓေ ဂါထာက နှုတ်ကနေ အလိုလိုထွက်လာရော ( မေမေက ပြောထားဖူးတယ် ဒီဂါထာက အန္တရာယ် ကင်းတယ်တဲ့ )။
လမ်းဘေး ဓာတ်တိုင်ကမီးရောင်တွေကလည်း မှိန်ဖျော့ဖျော့ ကြက်ဥသာသာ ဘဲရှိတာလေ။ အဲဒီလို ဂါထာဆိုရင်းနဲ့  ရှေ့ ဆက်သွားမယ်ဆိုပြီး အပြေးတကော လမ်းလျှောက်သွားလိုက်တာရှင်.. ကားမီးရောင် တောက်တောက်ကြီးထိုးလိုက်တဲ့ တစ်နေရာကို ကျွန်မမြင်ခဲ့ရပါတယ်..အဲဒါကတော့ လမ်းဘေး သင်ချိုင်းကုန်းမှာ ရှိတဲ့ အုတ်ဂူ ဖြူဖြူတွေပေါ့။ ကျွန်မလေ ဒူးတွေတုန်ပြီး ဘာလုပ်ရမယ်ဆိုတာကိုတောင် မသိတော့ဘူး။
အလာတုန်းကတော့ ဒါတွေ မမြင်ခဲ့ရပါဘူး။ အခုတော့ လမ်းမပေါ်မှာ ရှေ့ ကြည့် လိုက် နောက်ကြည့် လိုက်နဲ့  ...အဲဒီအချိန်မှာဘဲ လူကြီးတစ်ယောက်ရဲ့  ခေါ်သံကို ကျွန်မကြားလိုက်မိတယ်..ဟေ့ ကလေးမ ဘယ်သွားမလို့ လဲတဲ့.. ကျွန်မလည်း အရမ်းကြောက်ပြီး လမ်းပျောက်ပြီး အိမ်ရှာမတွေ့ လို့ ဆိုပြီး ပြောလိုက်ပါတယ်.. ကျွန်မ ကံကောင်းတာ တစ်ခုကအဘွားအိမ်က
ဆက်သွယ်ရေးတပ် နားက နောင်ခမ်းကြီးသွားတဲ့ လမ်းမဘေးမှာရှိတာကို မှတ်ထားမိတယ်ရှင့်..
အိမ်ဘေးနားမှာ ဆန်း ကဖီး ဆိုတဲ့ လဘက်ရည်ဆိုင် ရှိတယ်လေ.. အဲဒီ လူကြီးကလည်း အလုပ်ကပြန်လာတာ အဲဒီဘက်ကို ကျော်ပြီးမှ သူ့ အိမ်ကရောက်မှာတဲ့။ သူကဘဲ ဂရုတစိုက်နဲ့  စက်ဘီးရှေ့ က ထိုင်ဆိုပြီး ကျွန်မကို ခေါ်တင်ခဲ့ပါတယ်။ အိမ်နားကို ရောက်တော့ ကျွန်မ မှတ်မိသွားပြီလေ။ စက်ဘီးပေါ်က ဆင်းတော့ အဲဒီလူကြီးက အိမ်က လူကြီးတွေဆီကို လိုက်အပ်ပေးမယ်ဆိုပြီး ပြောပါတယ်။
ကျွန်မလည်း ကြောက်အားကြီးနေတော့ အိမ်ကို မြင်တာနဲ့  တမ်းပြေးတော့တာဘဲ။ ကျေးဇူးတင်စကားတောင် မဆိုခဲ့မိပါဘူးရှင်။ ညဘက်ကြီး တွေ့ ခဲ့တယ်ဆိုတော့ ဘယ်မှတ်မိမှာလဲနော်။
အိမ်ပေါ်လည်း ရောက်ရော လူကြီးတွေ အကုန်လုံးက အံ့သြနေကြတာပေါ့။ အဒေါ်တွေရော ဦးလေးတွေရော ခေါင်းမီးတောက်ပြီး လူစုခွဲ လိုက်ရှာနေကြတာတဲ့။
အဲဒီနောက်ပိုင်းတော့ ကျွန်မလေ စိတ်ကောက်ရင်တောင်မှ လူကြီးတွေ စိတ်ပူစေမယ့် အလုပ်မျိုး ကိုယ်ဒုက္ခရောက်မယ့်အဖြစ်မျိုးကို ဘယ်တော့မှ မလုပ်ရဲတော့ပါဘူး။ နောက်ဆုံးတော့ မေမေက ပြောတယ် အဲဒါ သမ္ဗုဒ္ဓေ ဂါထာ အစွမ်းကြောင့်အန္တရာယ်ကနေ လွတ်ကင်းခဲ့ရတယ်လို့ ဆိုပါတယ်။
ကျွန်မလည်း ငယ်စဉ်ကတည်းက ဒီလို ကြုံတွေ့ ခဲ့ရတဲ့ အဖြစ်ကြောင့် သမ္ဗုဒ္ဓေ ဂါထာ ကို စွဲစွဲမြဲမြဲ ရွတ်ဆိုခဲ့ပါတယ်။ လမ်းလျှောက်တဲ့ အချိန်ဘဲဖြစ်ဖြစ် ဘယ်သွားသွား ဘယ်လာလာ အချိန်တိုင်း
ရွတ်ဆိုရင်းနဲ့ လူတွေအားလုံး ရွတ်ဆိုရင်း အန္တရာယ်ကင်း ဘေးရှင်းစေဖို့  မျှဝေလိုက်ပါတယ်ရှင်။
စာဖတ်သူအားလုံးကို လေးစားစွာဖြင့်
:) မထွေးလေး
No comments:
Post a Comment